Узган ял көннәрендә Казандагы «Ярдәм» мәчетен карарга Мәскәүдән килгән кунаклар (15 кешелек экскурсия) килеп китте. Әлеге экскурсияне Казан Кремленең экскурсия бүлеге фирмасы оештырды. Бу тур “Мөселманнар Казаны” дип атала.
Мәскәүдән килгән кунакларга күрмәүчеләрнең һәм азрак күрүчеләрнең “Ярдәм” Укыту-дәвалау тернәкләндерү үзәген, аның компьютер классларын, массаж һәм йорт эшләре бүлмәләрен күрсәттеләр, шулай ук “Ярдәм” Милли ислами хәйрия фондының унлаган юнәлешле социаль эшчәнлеге белән таныштырдылар.
Экскурсия тәмамланганда, кунаклар үзләренең күргәннәреннән нык тәэсирләнүләре һәм әлеге гаҗәеп үзәкне күбрәк кеше күрсен вә белсен иде дигән теләкләрен ирештерделәр.
Экскурсияне алып баручы Алтынова Лиана Ислам кызы “Ярдәм” мәчетенә яңадан яңа экскурсияләрне алып килергә теләк белдерде, чөнки аның сүзләренчә, “Ярдәм” мәчете һәм фондының эшчәнлеге Казанның гүзәл бизәге булып тора һәм республикага килгән кунакларга аның күрү файдалы булачак.
ВКонтакте
Борбаш пансионатында Илфар хәзрәт Хәсәнов булды
Республика һәм Казан шәһәре көне уңаеннан
«Ярдәм» — ялгыз картларга зур терәк!