"Ярдәм" мәчетендә күрмәүчеләр "Шоудаун" өстәл теннисында уйный башлады. Өстәл теннисында күрмәүчеләр шарны тавыш ярдәмендә ишетеп уйный.
Өстәл теннисындв уйнау күрмәүчеләрнең, бигрәк тә, балаларның хәрәкәтен активлаштыра. Бу балаларга физик яктан ныгырга булыша, чөнки күрмәүче балалар яшьтәшләреннән физик яктан 1-3 елга калыша, диде "Ярдәм" мәчете имам-хатыйбы Илдар Баязитов.
"Ярдәм" күрмәүчеләрне тернәкләндерү үзәге мөдире Мәликә Гыйльметдинова сүзләренчә, күрмәүчеләр шатланып теннис уйный башлаган. Бу уен күрмәүчеләрне тәрбияли һәм тернәкләндерә.
Күрмәүчеләр өчен өстәл теннисы бөтен дөньяга таралган.
"Ярдәм" мәчете матбугат хезмәте