Укыту-тернәкләндерү үзәге
(843) 22-303-59
Казан, Серов урамы, 4а

Яңалыклар:

1 июньдә "Ярдәм" мәчетендә "Гаилә бәйрәме" узачак

Мечеть Ярдэм / Төп яңалыклар / 1 июньдә "Ярдәм" мәчетендә "Гаилә бәйрәме" узачак

1 июньдә "Ярдәм" мәчетендә "Гаилә бәйрәме" узачак. Төп яңалыклар 1 июньдә «Ярдәм» мәчете янындагы мәйданда «Гаилә бәйрәме» дип исемләнгән хәйрия чарасы узачак. Әлеге бәйрәмне оештыручылар – «Иман йорты» мөселман яшьләре клубы.

«Гаилә бәйрәме» 9:30да башланып 12:00гә кадәр дәвам итәчәк. Чарада теләгән һәркем катнаша ала. Кариев исемендәге яшь тамашачылар театры “Светофорда кунакта” спектаклен күрсәтәчәк.

Бәйрәм ачылу тантанасы, концерт белән башланып китәчәк һәм берничә мәйданда дәвам итәчәк. Шуларның берсендә балалар өчен мастер-класслар оештырылачак, өлкәннәр өчен хәйрия ярминкәсе булачак. Икенче мәйданда спорт ярышлары, конкурслар, ахырдан – ирләр өчен футбол оештырылачак. Өченче мәйданчык балалар ижаты өчен махсус бүленеп биреләчәк – биредә алар акбур белән асфальтка рәсемнәр ясаячак. Иҗат җимешләренең арада иң матуры истәлекле бүләккә ия булачак.

Чарада шулай ук шарлар, «баллы мамык», пылау таратылачак. Хатын-кызлар үзләренең куларына кына белән матур рәсемнәр төшертә алачак. Аниматорлар - әкият геройлары балаларның кәефен күтәреп, алар белән фотога төшәчәк. Шулай ук аквагрим ясау да булачак.

Әлеге бәйрәм катнашучы балаларның сәхнәдә чыгышлары – үз сәләтләрен күрсәтү белән тәмамланачак.

«Гаилә бәйрәме» хәйрия максатларында оештырыла, шуңа күрә, бер генә әйбернең дә бәясе күрсәтелмәячәк. Теләүчеләр үз сәдакаларын махсус тартмаларга салып калдыра алачак.

"Ярдәм" мәчете матбугат хезмәте

Каталог статей
Рассказать друзьям

Фотоистория мечети
Новости мечети

© 2013-2020 "Ярдәм" мәчете, рәсми сайт
Сайт Ариф студиясендә
ясалды