Алар шатлыгы безнеке дә...

«Алар шатлыгы безнеке дә”,-диләр Күрмәүчеләрнең Казандагы “Ярдәм” тернәкләндерү үзәгенә килеп укучы шәкертләрнең остазлары. Алар арасында Ульяннан Рәхилә Мәүлетова, Ижаудан Сәкинә Садыйкова, Пермьнән Линда Габдрәшитова, Гөлназ Петрушина, Алия Краковская, Флера Әхмәтшина, Тәскирә Мансурова, Рәмзия Вәлиева, Хәдичә Әмирова бар.

Әлеге күрмәүчеләр янында ир-атлар да бар бит әле. Аларга динебезне өйрәнү өчен “Ярдәм” мәчетендә барлык шартлар да тудырылган. Россиянең төрле төбәкләреннән килгән укучыларның рәхмәте әйтеп бетергесез күп.

Билгеле булганча, “Ярдәм” мәчете - бөтен дөньяга үрнәк гыйбадәтханә. Биредә кеше кадере беренче урында тора. Хәрефләрне бармак бите-очы белән уку шәкертләрне бәхетле итә.