Илдар Баязитов Буада булды

Кичә, 9 августта, Татарстан мөфтие урынбасарлары Рөстәм хәзрәт Хәйруллин һәм Илдар Баязитов эшлекле сәфәр белән Буа районында булды. Мөфти хәзрәтләре Килдуразы авылының “Гыймран” мәчетенең 25-еллыгы уңаеннан оештырылган бәйрәм чарасында һәм Иске Суыксу авылында “Шәрифҗан” мәчете ачылышында катнашты.

Бәйрәм чаралары Коръән уку белән башланып китте. Мәхәллә халкы каршында мөфти урынбасарлары, “Ислам динен кабул итүгә 1000 ел” исемендәге Казан югары мөселман мәдрәсәсе ректоры Ильяс хәзрәт Җиһаншин, Буа районы имам-мөхтәсибе Илмир хәзрәт Хәсәнов, Көньяк-көнбатыш төбәге казые Инсаф Җәләлетдинов чыгыш ясады, үзләренең нәсыйхәтләрен җиткерде. Соңынна бәйрәмгә чакырылучы халык өчен бәйрәм табыны әзерләнде