Казанда яшәүче мөселманнар, Волгоградта булган теракт уңаеннан, канәгатьсезлек белдерә.
(Казан, 31 декабрь, «Татар-информ»). Казанда яшәүче мөселманнар, Волгоградта булган теракт уңаеннан, канәгатьсезлек белдерә. Дине һәм милләте булмаган кешеләр халыкка каршы гамәл кылды. Алар, шулай итеп, Россиядәге тотрыклылыкны кузгатмакчы була. Бу хакта бүген Казанның Ярдәм мәчете имам-хатыйбы Илдар хәзрәт Баязитов белдерде.
“Бу - коточкыч гамәл. Бу коточкыч гамәлне кылучылар - иң начар кешеләр. Бу хәлләргә карата канәгатьсезлек белдерәм”, - диде ул һәм шартлаудан зыян күргән кешеләргә һәм һәлак булучыларның туганнарына кайгы уртаклашу сүзләре белдерде.
Илдар Баязитов сүзләренчә, барлык дин вәкилләре – мөселманнар, христианнар һәм яһүдиләр Россия бердәмлеген һәм тынычлыгын күрәтеп террорчылыкка каршы берләшергә тиеш.
“Террорчылык актларыннан соң котыртуларга бирелеп, бер-береңне гаепләргә ярамый. Без террорчыларның дине һәм милләте булмаганын аңлыйбыз. Дошманнар бәйрәм алдыннан бер гаепсез кешеләрне юк итте, әмма православие һәм ислам дине вәкилләрен талаштыру аларның көченнән килмәячәк”, - дип белдерә Баязитов сүзләрен Ярдәм мәчете матбугат хезмәте.
ВКонтакте
Уйларда - якты хыяллар!
Россия Ислам Университеты Сезне чакыра
Җомга көнебез мөбарәк булсын!