«Ярдәм» фонды Төркия консуллыгына 970 мең сумлык ярдәм күрсәтте.
"Ярдәм-Помощь" гомуммилли хәйрия фонды җир тетрәү вакытында һәлак булучыларга ярдәм итеп Төркиянең Казандагы Генераль консуллыгына 970 мең сумлык киемнәр тапшырды.
Шулай ук «Ярдәм» фонды һәм мәчете, Киров һәм Мәскәү районнары мөхтәсибәте Сүрия белән Төркиядә зилзиләдән зыян күрүчеләргә кайгы уртаклашты.
Төркиядә — дүрт меңгә якын, Сүриядә — меңнән артык кеше һәлак булган. Төркиянең көньяк төбәге Каһраманмараш һәм аның якын районнарында көчле җир тетрәү булган. Аннары ул Әлбистан ягында кабатланган. Сүриянең Идлиб, Алеппо, Хама, Латакие, Тартус һәм Ракка шәһәрләрендә күп биналар җимерелгән.
Зыян күргән Төркия һәм Сирия лидерлары — Рәҗәп Тайип Эрдоган һәм Бәшәр Асадка Россия Президенты Владимир Путин, Татарстан Рәисе, «Россия — Ислам дөньясы» стратегик күзаллау төркеме рәисе Рөстәм Миңнеханов та кайгы уртаклашу телеграммаларын юллады һәм ярдәм күрсәтергә әзер булуларын белдерде.
ВКонтакте
Бераз гына ямансу. Сагынырбыз сине, Рамазан! Ике матур видео!
Рөстәм Миңнеханов татарстанлыларны Ураза бәйрәме белән тәбрик итте
Татарстан Мөфтиенең Ураза гаете уңаеннан мөрәҗәгате