Татарстан Җөмһүрияте мөфтие урынбасары Илдар хәзрәт Баязитов «Ярдәм» Милли ислами хәйрия фонды президенты Илһам Исмәгыйлев белән Чечня Республикасына барып, андагы Диния нәзарәте аппараты җитәкчесе Супьян Корбанов һәм Чечня мөфтие киңәшчесе Госман Осмаев белән очрашты.
Яклар очрашу барышында киләчәктә дә хезмәттәшлек итү хакындагы мәсьәләләрне тикшерделәр. Соңгы берничә ел эчендә Кавказдагы күрмәүчеләр Казандагы “Ярдәм” дәвалау-укыту үзәгенә килеп, Брайль телендәге Коръәнне өйрәнү бәхетенә ирештеләр һәм әлеге гамәлдән бик разый булып калдылар. Чечня Республикасы Диния нәзарәте тарафыннан оештырылган Рамазан курсларына күрмәүчеләр дә чакырылган иде.
Бу чара тәмамланганнан соң, Татарстаннан килгән кунаклар һәм чеченнар кыйммәтле бүләкләрен алмаштылар һәм Чечня Җөмһүрияте башкаласы булган Грозный каласының истәлекле урыннарын карарга чыгып киттеләр.
ВКонтакте
Өлкәннәргә, остазларга мәдхия!
Көн саен 1800-дән артык кеше авыз ача
Орлык чәчү, үсенте утырту вакыты!