"Ярдәм" мәчете Казан мэры Илсур Метшинны туган көне белән котлый

"Ярдәм" милли ислам хәйрия фонды, "Ярдәм" күрмәүчеләрне тернәкләндерү үзәге, "Ярдәм" мәчете Казан мэры Илсур Метшинны туган көне белән котлый.

Хөрмәтле Илсур Рәисович!

Сезне "Ярдәм" күрмәүчеләрне тернәкләндерү үзәге һәм мәчетендә белем алучы сукырлар, ишетмәүчеләр, ДЦПлы инвалидлар һәм шәхсән үз исемемнән туган көнегез - 45 яшьлек гомер бәйрәмегез белән тәбрик итәм. Күңел һәм йөрәк җылыгызны биреп төзегән мәчет-үзәк динебез, халкыбыз, Казаныбыз, илебез өчен хезмәт итә. Андагы һәрбер кеше сезнең өчен дога кыла, шундый миһербанлы кеше үстерүләре өчен әти-әниегезгә елый-елый рәхмәт укый. Зур рәхмәт Сезгә!

Сезгә исәнлек-саулык, гаилә бәхете һәм эшегездә зур уңышлар телибез! Без сезнең ярдәмне, яклауны тоеп яшибез, Сез дә меңләгән догачыгыз барын онытмагыз. Без сезнең белән!

Олы ихтирам белән,

"Ярдәм" мәчете имам-хатыйбы Илдар хәзрәт Баязитов

24 апрель 2014 ел

Казан