"Ярдәм” мәчетенә абыстайлар җыела

Иртәгә, ягъни 13 февральдә, 14 сәгатьтә "Ярдәм” мәчетендә Казан шәһәре абыстайлары җыела. Бу чараны "Мөслимә” иҗтимагый оешмасы үткәрә.

Анда Татарстан мөфтие урынбасары Илдар хәзрәт Баязитов. Казан мөхтәсибе Мансур хәзрәт Җәләлетдинов, тарихчы галим Тәэминә Биктимерова һәм башкалар катнашыр, дип көтелә.

"Мөслимә” иҗтимагый оешмасы рәисе Әлмира ханым Әдиатуллина әйтүенчә, Казан каласы мәчетләрендә мөгаллимлек кылучы абыстайлар яшьләргә белем бирү һәм әхлакый яңарыш мәсьәләләрен тикшерәчәкләр.

"Ярдәм” мәчете матбугат хезмәте