«Ярдәм» мәчетендә Ибраһим хәзрәт Шаһимәрдәнов хаҗ кылу кагыйдәләренә багышланган курсларның лекцияләрен башлап җибәрде. Беренче дәрес хаҗ атамасына һәм аның мәгънәсенә багышланды.
Ибн Гомәрдән алынган сүзләрдән күренгәнчә, Аллаһның илчесе (с.г.в.): “Ислам биш баганага: Аллаһыдан башка иләһ юк, Мөхәммәд – Аның Илчесе, дип шаһитлек бирүгә, намаз укуга, зәкят түләүгә, Аллаһ Йортына хаҗ кылуга һәм Рамазан аенда ураза тотуга нигезләнә”,-дигән (Әл-Бохари; Мөслим).
Әбу Хөрәйрә сүзләреннән шулай дип тапшырыла: “Мин Аллаһының Илчесеннән шундый сүзләр ишеттем: “Аннан: “Нинди эш иң яхшысы?”-дип сорадылар. Ул: “Аллаһыга һәм Аның Илчесенә иман китерү”,-дип җавап бирде. Аннан: “Ә аннары нинди эш?”-дип сорадылар. Ул: “Аллаһы юлында көрәш”,-диде. Аннары аннан: “Болардан соң нинди эш яхшы?”-дип сорадылар. Ул: “Дөрес кылынган хаҗ”,-дип җавап бирде” (Әл-Бохари; Мөслим).
Әбу Хөрәйрә сүзләреннән шулай дип тапшырыла: “Мин Аллаһының Илчесеннән шундый сүзләр ишеттем: ул: “Алдагы гомрәдән соң кылынган гомрә хаҗы вакытында алар арасындагы гөнаһлар гафу ителә. Ә дөрес үткәрелгән хаҗга җәннәттән башка бүләк бирелмәячәк”,-диде” (Әл-Бохари; Мөслим).
ВКонтакте
Россия Ислам Университеты Сезне чакыра
Җомга көнебез мөбарәк булсын!
Илдар Баязитов: “Исламның үсеше — ул әйләнә-тирә мохитне исламлаштыру түгел”