«Ярдәм” үзәген һәм мәчетен Малайзиядән килгән кунаклар карап китте

Казандагы “Ярдәм” мәчетен һәм дәвалау-укыту үзәген Малайзиядән килгән мөселманнар төркеме карап китте. Ераклардан килгән кардәшләр күңеленә мондагы кунакчыллык ошады, алар шулай ук “Ярдәм” Милли ислами хәйрия фондының эшчәнлеге белән дә танышты.

Малайзиялеләр мондагы социаль эшне алар илендәге кебек дәүләти оешма үтәмәгәнгә гаҗәпкә калдылар. Экскурсия тәмамлангач, алар “Ярдәм” фонды оешмасы җитәкчеләренә авыр һәм файдалы эшләрендә уңышлар, чәчәк ату вә Аллаһының ярдәмен тоеп, хәерле гамәл кылуны теләделәр.