Күрмәүчеләрнең «Ярдәм» үзәге һәм Кемерово МДН хезмәттәшлек кылу турында килеште

Исламдагы социаль хезмәтне өйрәнү һәм күрмәүчеләрнең “Ярдәм” үзәген, мәчетен карау өчен Кемерово өлкәсенең мөфтие Таһир хәзрәт Бикчәнтәев җитәкчелегендәге Кузбасс имамнары Казанга килде.

Мөфтине һәм Кемерово өлкәсе имамнарын “Ярдәм” мәчете имам-хатибы Илдар хәзрәт Баязитов каршы алды һәм социаль хезмәтнең гамәли ягы белән таныштырды. Кунаклар күрмәүчеләрне, ишетмәүчеләрне һәм БЦП инвалидларын тернәкләндерү белән дә таныштылар.

Кемерово өлкәсе Диния нәзарәте мөфтие Таһир хәзрәт Бикчәнтәев “Ярдәм” мәчетенең социаль эшен югары бәяләде. Шулай ук “Ярдәм” үзәге һәм Кемерово Диния нәзарәте күрмәүчеләрне тернәкләндерү өлкәсендә хезмәттәшлек кылу буенча килештеләр.

“Ярдәм” мәчете матбугат хезмәте