Казанда «Ярдәм-Помощь» фондында Брайль шрифты белән бастырылган Коръән, Коръән тәфсире һәм «Гыйбадәте исламия» кебек бик кирәкле китаплар сукырларга бушлай таратыла. Әлеге басмалар күрмәүчеләр өчен махсус шрифт белән "Ярдәм"дә генә нәшер ителә.
Татарстан мөфтиенең социаль мәсьәләләр буенча киңәшчесе, «Ярдәм» гомуммилли ислам хәйрия фонды шурасы рәисе Илдар хәзрәт Баязитов китапларның бушка таратылуын әйтә. «Безнең типография күрмәүчеләр өчен дә Брайль шрифты белән китаплар бастыра. Аларның да ислам динен өйрәнергә хакы бар. Әлеге китапларга ихтыяҗ зур. Без күрмәүче мөселман кардәшләребезгә әлеге китапларны бушка таратабыз. Спонсорларны үзебез табабыз», – дип сөйли ул.
«Ярдәм – Помощь» ГХФ президенты Илһам Исмәгыйлев китаплар рус телендә дә бастырылуын әйтә. «Брайль шрифтында китап бастыру бик мөһим эш. Безнең күрмәүче мөселман кардәшләребез беренче тапкыр Коръән тәфсирен укый башлаячак. Моңа кадәр аларның укырга мөмкинчелекләре булмады. Әгәр Коръән бер олы китап булса, Брайль шрифты буенча китапның саны 10 томга җитә. Тәфсирләр рус телендә бастырылды», – ди ул.
Сез ничек итеп сукырларга Коръән укырга ярдәм итә аласыз? Моның өчен бу сылтамага кереп иганәче була аласыз. Күзе күрмәүче Изге китапны укып, дога кылып, спонсорга бик күп бәрәкәт, иминлек тели. Алар догасы - бик мөхим!
Коръән китабын тарату өчен сылтама монда: https://yardemfond.ru/aktsii/chitayu-koran-s-dushoj/
Коръән тәфсире һәм «Гыйбадәте исламия» кебек бик кирәкле китапларны тарату өчен сылтама: https://yardemfond.ru/aktsii/aktsiya-podari-knigu-nezryachemu/
ВКонтакте
Нәзарәт һәм Казан мәдрәсәләре коллективлары Казанның Яңа татар зиратында өмә ясады
Җомга вәгазе
Шәүвәл аеның 18нче көнендә