Коръәннең һәр хәрефендә савап бар

«Ярдәм» хәйрия фонды укытучысы, күрмәүче Фәнис Миңгәрәев: “Коръәннең һәм хәрефендә савап бар. Кемдер күрмәүчегә Брайль шрифтында басылган Изге китапны тапшырса, аңа һәр укылган аваз өчен Аллаһы Сөбехәнә Тәгаләнең олугъ рәхмәте һәм бәрəкәте булачак”, - ди.

. «Ярдәм» иҗтимагый хәйрия фонды күрмәүчеләр өчен Луи Брайль шрифтында Коръән бастыру акциясен дәвам итә. Акция Брайль шрифтында язылган Коръәнне күрмәүчеләргә тапшыруны күздә тота. Бу күрмәүчеләр өчен дә, китапны таратучылар өчен дә бик кирәкле, яхшы эш.

Коръән укыгач, укучы күңеленә җиңел булып китә. Ул яшәргә этәргеч бирә. Ә Коръән укырга мөмкинлек ачкан кеше исә иксез-чиксез хәер нурын, бәрәкәт кабул итә ала.