Мәзлүмнәрне укытучы "Ярдәм"дә

Уфадагы Үзәк диния нәзарәте, Россия мөселманнарының иң борынгы дини идарәсе вәкиле Инсаф хәзрәт Искәндәров Казандагы «Ярдәм» мәчетендә булды. Аның белән бергә «Хәерле эш» («Благое дело») хәйрия вакыфы җитәкчесе Айдар Гарифьянов та килде.

Аның эшчәнлеге Россия территориясендә (Кавказдан гайре), Беларусь республикасында, Молдова һәм Латвиядә урнашкан мөселман дини оешмаларына карый. Уфа шәһәрендә урнашкан.

Инсаф хәзрәт Искәндәров Уфа-Казан юлындагы Подымалов авылында урнашкан «Мирас» мәчетендә имам-хатыйб. Шулай ук ул төрмәләрдә утыручы мәзлүмнәргә ярдәм итә, аларны туры юлга күндерә. Дин өйрәтә, Корьән укырга өйрәтә. Дингә килгән җиначятьчеләр акылга да килә, аннары алар тәртипле итеп яши башлый.

Кызганычка, төрмәчене гаиләсе ташлый, аннан якыннары качып бетә. Ә хәзрәт шуларга Ислам дине турында сөйли. Төрмәдә утырганда, «Тормышым бетте!» – дигәндә, мөселман кешеләре очравы яхшы. Коръәнне беренче тапкыр күп кеше төрмәдә генә укый башлый. Күңелдәге суларга бирмәгән авыр йөкләр акрынлап юкка чыга. Сүрәләрне укый башлагач, баштагы кайгылары да, бозык уйлар да юк була.