Журналистлар «Сөләйман” мәчетендә авыз ачтыра

Кичә Казандагы “Сөләйман” мәчетендә бертуган Рәсим һәм Рәмис Хаҗиевлар 15 кешегә ифтар мәҗлесе үткәрде. Билгеле булганча, Рәсим Хаҗиев Лаеш районы хакимиятендә матбугат сәркатибе вазифасын башкара. Ә аның бертуган энесе Рәмис “Сөләйман” мәчетендә имам ярдәмчесе булып эшли, бер ук вакытта ул монда шулай ук сәркатип эшләрен дә алып бара.

Көнозын ураза тотканнан соң, авыз ачу кешегә биниһая зур шатлык китерә. Рәсим һәм Рәмис Хаҗиевлар да Дамир хәзрәт Мәрвәров җитәкчелегендә Левченко бистәсендәге мәхәллә халкына ифтар мәҗлесе оештырып, ифрат зур куаныч китерделәр.
Бүген исә “Сөләйман” мәчетендә журналист Хатыйп Гәрәй авыз ачтыру мәҗлесе үткәрә.