Күрмәүче мөселманнарны укыту-тернәкләндерү үзәге һәм мәчет
(843) 22-303-59
Казан, Серов урамы, 4а

Яңалыклар:

"Зур Казан" типографиясендә "Остазбикә сүзе" китабы басылды

Мечеть Ярдэм / Төп яңалыклар / "Зур Казан" типографиясендә "Остазбикә сүзе" китабы басылды

"Зур Казан" типографиясендә "Остазбикә сүзе" китабы басылды. Төп яңалыклар Казанның "Зур Казан" типографиясендә күренекле абыстай Нәкыя Хафизованың "Остазбикә сүзе" китабы басылды.

Китапка күренекле остазбикә, мөнәҗәтче, дини-милли күлмәкләрне тегүче һәм таратучы Нәкыя абыстай Хафизова-Ихсанованың тормыш истәлекләре, динебез үсеше турында уйланулары, газет-журналларда басылган мәкаләләре тупланган. Шулай ук җыентыкка авторның замандашлары фикерләре, юкка чыккан Яңа Ташлыяр авылы (Азнакай районы) тарихы сәхифәләре урнаштырылган.

Нәкыя Хафизова сүзләренчә, китап чыгаруның төп максаты - нәсел шәҗәрәсен төзү, буыннар чылбырын ныгыту һәм халкыбызны дингә, милли мәдәниятне саклауга, үстерүгә чакыру.

"Остазбикә сүзе" китабына кереш сүзне авторның авылдашы, Татарстанның һәм Россиянең халык артисты Әзһәр Шакиров язган. Шулай ук китапка Рәшидә Исхакый, Әлмирә Әдиатуллина, Мөслимә Шәфыйк, Лия Загидуллина, Флера Дәминованың һәм башкаларның Нәкыя абыстайның эшчәнлеге турында фикерләре кертелгән.

2 июль көнне Нәкыя Хафизова "Ярдәм" мәчетенең "Рамазан чатыры"нда "Остазбикә сүзе" китабын халыкка күрсәтәчәк.

Каталог статей
Рассказать друзьям

Фотоистория мечети
Новости мечети

© 2013-2018 "Ярдәм" мәчете, официаль сайты
Сайт ясалды —
Ариф студиясендә