Дагыстаннан Габдрәшит Шәехов – җиңүче

Казандагы "Ярдәм” мәчетенә динебезне өйрәнү максаты белән килүчеләр арасында шушы көннәрдә шашка буенча ярышлар булып узды. Анда Дагыстаннан килгән Габдрәшит Шәехов үзенең якташын – Мөхәммәд Ярбиловны икенче урында калдырып, җиңүче булды. Таһир Гыйльмуллинга исә өченче урын белән генә канәгатьләнергә туры килде.

Гүзәл затлар арасында исә Татарстанның Алабуга каласыннан Казанга юл тоткан Венера Фазлыәхмәтовага тиңнәр табылмады. Ул 4 мөмкинлектән 4 очко туплап, беренче урынны яулады. Икенчедә – Пермь якларыннан башкалабызга килгән Линда Гадрәшитова. Өченче урынны исә Рәсимә Ишмөхәммәтова белән Алия Хәйруллина бүлеште.

Фоторәсемдә: Габдрәшит Шәехов - алгы рәттә, сул якта

"Ярдәм" мәчете матбугат хезмәте