Бүген VI Бөтендөнья Татар яшьләре форумы башлана

«Ярдәм” мәчете каршындагы “Иман йорты” клубы яшьләре бүген башланучы VI Бөтендөнья Татар яшьләре форумында катнаша.

«Ярдәм” мәчетенең имамы, “Иман йорты” клубы активисты Рамил хәзрәт Ибраһимов сөйләгәнчә, анда бу оешмадан 5 делегат “Рух. Татар яшьләренең тарихи үзаңы һәм татар халкының рухи кыйммәтләре” дигән секция эшендә катнашачак.

Билгеле булганча, Казанда 1 августтан 5 енә кадәр Татар яшьләренең VI Бөтендөнья форумы узачак. Анда 24 чит илдән, шулай ук Татарстан һәр Россиядән 600 дән артык делегат катнашыр, дип көтелә.

Әлеге Татар яшьләренең VI Бөтендөнья форумы тантаналы рәвештә 2 августта Г. Камал исемендәге Татар дәүләт академия театры бинасында ачылачак.