Барыгызга да бик зур рәхмәт!

Әссәламе галәйкүм вә рәхмәтүллаһү вә бәрәкәтүһү.  Кадерле дуслар! Рамазан ае вакытында сезнең белән бергә булуыбызга бик шат. Авыз ачуларда, тәрәвихләрдә һәм гает намазын бергәләп уздырдык.

Барыгызга да бик зур рәхмәт!

 "Ярдәм" мәчете Россия өчен уникаль комплекс бит. Ул үз эченә тернәкләнү үзәге һәм күрү буенча инвалидлар өчен тулай торак, намаз уку өчен 350 урынлы зал, Коръән укырга өйрәнү, хатын-кызлар өчен дин өйрәнү, яшь мөселманнар өчен дин курслары, никах үзәге һәм башка хезмәтләрне керткән. Мәчеттә шулай ук компьютер сыйныфы, ашханә, лекция аудиторияләре, сукырлар өчен махсус тоткалар, футбол кыры һәм балалар мәйданчыгы бар. Мәчеттә түгәрәк өстәлләр, тренинглар, конференцияләр үтә.