Башта ата-аналарга программаның катлаулы булуын, балаларның бик әдәпле, әхлаклы булуы кирәклеген искәрткәннәр. Аннары укучыларның дини белеме һәм акыл байлыгы, тәртибе тикшерелгән. «Сайларга бик авыр булды», — ди пансионат директоры Альберт Базагутинов.

Пансионат бер гаилә булып җылы, туганҗанлы атмосферада яши. Балалар хезмәт тәрбиясен дә ала.

Борбаш пансионатының асыл максаты исә – динчеләр әзерләргә ярдәм итү булып та тора. Пансионат — «Ярдам-Помощь» гомумилли хәйрия фонды проекты. Ул күп балалы, юксыл гаиләләрдәге малайларны дини рухта тәрбияли. Пансионат шул биналар янында гына яшәүче, Татарстан җөмһүриятенең Баш казые Җәлил хәзрәт Фазлый ярдәме һәм күзәтүе астында эшли. 

Сез дә бу изге эштә ярдәм итә аласыз. Моның өчен түбәндәге куар-кадны телефон камерасы белән ачып керергә кирәк. Шулай ук бу адрес аша да матди ярдәм итеп була: https://yardemfond.ru/zakyat/