2017 елда 2 февраль көнне хезмәттәшебез, “Ярдәм” фонды каршындагы “Иман” радиосын алып баручы Эльвира Ибраһимова вафат булды
Балтач төбәгендә Таузар авылында туып үскән Эльвира радио үсешендә эз калдырды. Тавышы, сүзләрен күзе күрмәүчеләр аеруча яхшы хәтерли.
Ул «Биектау FM»да беренче диктор булды, “Татарстан” һәм “Болгар” радиоларында программалар ясады. “Азан” һәм “Иман” радиолары аша дин таратты.
“Ярдәм” хәйрия фондында яратып эшлəде. “Иман” радиосында эшләүдән тыш, ул фонд эшчәнлегенә багышланган видеожурнал чыгара иде. Интернетта Эльвира Ибраһимова эшләгән журналларны да карап, тыңлап, мәгълүмат туплап була.
Киң күңелле, һәрвакыт ярдәм кулын сузарга торган, кирәк чакта киңәшен бирә белгән Эльвира безнең арабызда булмаса да, аның көләч йөзе, күңелләр түренә үтеп керә торган сихри тавышы “Ярдәм” мәчетенә килүчеләрнең хәтерендә саклана. Язган шигырьләре хәтеребездә кала.
https://yardemfond.ru/2026/02/02/hezm-tt-shebez-elvira-yadkare/
ВКонтакте
«Ярдәм» мәчетендә төрле мәрәсимнәр үткәрергә була
Мохтаҗларга ярдәм итү – изге гамәлләрдән санала