Илдар хәзрәт Баязитов мөфти Камил хәзрәт Сәмигуллин белән бергә 2 нче Төзәтү колониясендә булды

Татарстан мөфтие Киңәшчесе, “Ярдәм” Милли ислами хәйрия фонды рәисе Илдар хәзрәт Баязитов Татарстан мөфтие Камил хәзрәт Сәмигуллин һәм АНОның ҮРАсе директоры Азат Гайнетдинов белән 2 нче Төзәтү колониясендә, шулай ук төзәтү учреждениесенең хастаханәсендә булдылар.

Әлеге визитның төп максаты биредә тотылучыларның шартлары белән танышу гына түгел, бәлки аларның йөрәкләрен йомшартудан да гыйбарәт иде. Диния нәзарәте вәкилләре хастаханәдә дәваланучылар янында да булып, аларга хәйрия ярдәмен күрсәттеләр.

Болардан тыш, алар 2 нче Төзәтү колониясенең мәчетен дә карадылар, изге Рамазан ае якынлашу белән бәйле мәсьәләләр илән дә кызыксындылар. Аерым алганда, имамнарны сәхәр ашау һәм ифтар кылу (авыз ачу), коллектив белән Тәравих намазларын уку мәсьәләләре дә кызыксындырды.