Укыту-тернәкләндерү үзәге
(843) 22-303-59
Казан, Серов урамы, 4а

Яңалыклар:

Лилия Сәләхетдинова уңайлы коляскалы булды

Мечеть Ярдэм / Төп яңалыклар / Лилия Сәләхетдинова уңайлы коляскалы булды

Лилия Сәләхетдинова уңайлы коляскалы булды. Төп яңалыклар Шагыйрә Лилия Сәләхетдинова физик мөмкинлекләре чикле булуга карамастан, бик актив тормыш рәвеше алып бара. Тик моңарчы аның төймә белән басып автомат рәвештә йөри торган коляскасы юк иде.

Матбугат чаралары аша уңайлы коляскага акча җыю ниятен Лилия кире какты, кешене борчыйсы килмәде, итәгатьлек саклады. Әмма коляска бик кирәк иде. Ниһаять, Лилиянең хыялы тормышка ашкан. Менә нәрсә ди бу турыда үзе:

- Йөри алмаган кешеләргә уңайлы коляска булуы нык мөһим. Бүгенге көнгә кадәр бу хыял иде. Көпчәкләремне әйләндерә-әйләндерә шушы хыялыма таба барганымны үзем дә сизми калганмын. "Ярдәм" фонды директоры Илһам Фәткрахман улы шалтыратып: “Лилия, иртәгә "Ярдәм"гә кил, синең өчен уңайлы булган электприводный коляска кайтты” дигәч тә, ышанмый тордым. Мәчет бусагасыннан кергәндә дә әле үземне төшемдә кебек хис иттем. Уянып китермен дә, хыялым төшкә генә кергән булыр дип курыктым... Әмма, әлхәмдүлилләһ, бу чын. Коляскага утырып әкрен генә джойстик төймәләренә басудан коляскамның хәрәкәткә килүен тоюдан - бу өнем икәненә ышандым. Менә бит ул бәхетнең бер зур өлеше. Тормышның рәхәт мизгеле. Аллаһ Тәгаләгә, "Ярдәм" фонды җитәкчесе Илһам абый Исмәгыйлевкә, "Ярдәм"челәргә ихлас рәхмәтләремне җиткерәм. Аллаһ Сезнең һәммәгезне тагын да олырак бүләкләр белән куандырсын, барлык изге гамәл-теләкләрегез чынга ашсын, догаларыгыз кабул булсын, эшләрегез уңай барсын, гаилә бәхете телим!

Каталог статей
Рассказать друзьям

Фотоистория мечети
Новости мечети

© 2013-2020 "Ярдәм" мәчете, рәсми сайт
Сайт Ариф студиясендә
ясалды