Мәчеттә үз-үзеңне ничек тотарга?

Бүген "Ярдәм" мәчетендә “Мәчеттә үз-үзеңне тоту әдәпләре” дип аталган татар телендәге вәгазьне имам Хәбир хәзрәт Ханов сөйләде.

Мәчет – гарәп телендәге мәсҗид, ягъни сәҗдә кылу урыны сүзеннән ясалган Шулай ук мәчетне икенче төрле “Бәйтуллаһ” – Аллаһы Тәгаләнең йорты дип тә атыйлар Мәчетнең Аллаһы Тәгаләнең йорты дип аталуы анда кылына торган гыйбадәтләргә бәйле. Мөселман, мәчеткә килеп, үзенең дөнья мәшәкатьләрен онытып тора, Аллаһы Тәгаләгә сәҗдә кыла, зикер әйтә, Коръән укый.

Мәчет - Аллаһы Тәгалә йорты, анда кергән һәрбер кеше Аллаһының кунагына әйләнә. Берәр кешегә кунакка баргач, үзебезне әдәп-әхлаклы тотарга тырышабыз. Әлбәттә, мәчеттә дә шуңа охшаш үз-үзеңне тоту кагыйдәләре бар Мәчеткә еш йөрсәк тә, анда үз-үзеңне тоту кагыйдәләрен барыбыз да белеп тә, үтәп тә бетермибез.

Бу хакта тәфсилләбрәк – “Ярдәм” мәчете имамы Хәбир хәзрәт Ханов сөйләгән җомга вәгазендә.