Эмиль һәм Наиләгә “Ярдәм” мәчетендә 2017 елда йөзенче никах укылган пар булу насыйп әйләде.
“Ярдәм” мәчете имамы Рафис хәзрәт Сәйфуллин әлеге парга никах укыгач, аларга Изге Коръәннең тәфсирен бүләк итте. Яшьләрнең сүзләренчә, бу аларга көтелмәгән бүләк булган һәм алар бу вакыйганы беркайчан да онытмаячак, әлеге Коръән китабын укып, алар ислам динен өйрәнәчәк.
“Ярдәм” мәчете коллективы Эмиль белән Наиләгә ныклы сәламәтлек һәм бәхетле озын гаилә тормышы, шулай ук күзләрне шатландыручы тәкъва нәсел теләп дога кылды.
“Ярдәм” мәчете җитәкчелеге быел шулай ук яшьләргә истәлекле бүләкләр тапшырып, 300 һәм хәтта 500 никах укыту турында уйлана.