«Ярдәм» тернәкләндерү үзәгенә ММА федерациясенең Радик Фәрхетдинов җитәкчелегендәге делегация вәкилләре килеп китте. Алар арасында тугандаш Дагыстан Республикасы спортчылары, ММА версиясенең UFCда җиңел үлчәүдә уңышлы чыгыш ясаучы Рәшит Мөхәммәдев, М-1 challenge билбавы иясе, 2013 елда дөнья һәм Европа чемпионы булган Рәшит Йосыпов та бар иде.
Көрәшчеләрнең икесе дә “Горец» клубында тәрбияләнгән шәхесләр. Алар Дагыстан Республикасы ММА федерациясе президенты Шамил Алибатыров җитәкчелегендә көрәшү күнекмәләре алалар.
“Казандагы тернәкләндерү үзәгенең эшчәнлеге мине нык гаҗәпкә калдырды. Минем акылымда күп үзгәрешләр барлыкка килде, чөнки кешеләр үзләрен бөтен барлыклары белән Аллаһ юлына багышласалар һәм моны изге ният белән үтәсәләр, тормышның мәгънәсе, анда үзеңнең мәсләгең турында уйлана башлыйсың икән. Мин “Ярдәм” мәчетенә икенче тапкыр килдем. Биредә беренче мәртәбә булганнан соң, андагы үзәкнең эшчәнлеге хакында үземнең хезмәттәшләремә, дусларыма, якыннарыма күп нәрсәләр сөйләдем. Без спортчыларыбызның “Ярдәм” үзәгенә даими килүләрен, аның турында киң халык массаларына мәгълүмат ирештерүләрен телибез. Әлхәмдүлилләһ, сез зур үсеш алып киләсез, бу хәрәкәт киң колач җәя һәм без дә төрле юллар, ысуллар белән аңа ярдәм итәчәкбез”,-диде Радик Фәрхетдинов.
ВКонтакте
Бераз гына ямансу. Сагынырбыз сине, Рамазан! Ике матур видео!
Рөстәм Миңнеханов татарстанлыларны Ураза бәйрәме белән тәбрик итте
Татарстан Мөфтиенең Ураза гаете уңаеннан мөрәҗәгате