Гает намазы 1 сентябрьдә иртәнге 5 сәгатьтә укылачак

Корбан бәйрәменә багышланган бәйрәм намазының укылу вакыты билгеле булды. Татарстан мөселманнары Диния нәзарәте рәисе, мөфти Камил хәзрәт Сәмигуллинның фәтвасы нигезендә, гает намазы Татарстандагы барлык мәчетләрдә 1 сентябрьдә кояш чыгып ярты сәгать вакыт узгач, ягъни иртәнге 5 сәгатьтә укылачак.

Барлык мөселманнарны Серов урамындагы “Ярдәм” һәм Левченко бистәсендәге “Сөләйман” мәчетләрендә бәйрәм намазын укырга чакырабыз.