Илдар хәзрәт Баязитов “Тормыш юлы” акциясенә булышкан барлык кешеләргә рәхмәтен җиткерде

«Ярдәм» милли ислам хәйрия фонды Советы рәисе Илдар хәзрәт Баязитов “Ярдәм”дә тернәкләнү узган мөмкинлекләре чикле кешеләр, фонд һәм “Ярдәм” мәчете хезмәткәрләре һәм шәхсән үз исеменнән “Тормыш юлы” акциясенә булышкан, битараф булмаган барлык кешеләргә рәхмәтен җиткерде. Рамазан аенда уртак тырышлык белән бик күп мохтаҗларга һәм ураза тотучыларга кайнар ашлар өләшенде.

“Тормыш юлы” акциясе алга таба да дәвам итәчәк. Мохтаҗларга булышу әле дәвамлы булачак.

Аллаһы Тәгалә изге Рамазан аенда тоткан уразаларыбызны, изге гамәлләребезне һәм биргән сәдакаларыбызны кабуллардан кылсын! Ураза гаете мөбарәк булсын!