Ислам нигезләрен Инсаф Вәлиев яхшырак белә булып чыкты

«Ярдәм» мәчетендә «Зәкят» фонды тарафыннан оештырылган викторинада балаларның ислам нигезләрен ни дәрәҗәдә белүләрен аңлау бәйгесе булып узды. Әлеге конкурста «Ярдәм» мәчетендә Коръән өйрәнүче 30га якын бала катнашты.

Бу чарада традицион исламны иң яхшы белүче булып Инсаф Вәлиев танылды, аңа мультиварка бүләк ителде.

Биредә мондый бәйгеләр даими рәвештә үткәрелер һәм ул яшьләрне исламга җәлеп итү чарасына әйләнер вә киләчәк буын вәкилләре сәламәт яшәү рәвешенә ныграк тартылыр, шул ук вакытта экстремизмга каршы профилактика ясауның үтемле алымы да булыр, дип ышанабыз.