Казандагы “Ярдәм” мәчетен һәм шул исемдәге Тернәкләндерү үзәген Мәскәүнең 544 нче мәктәбе укучылары килеп карап китте. 4 өлкән класста белем алучы балалар үзләренең укытучылары һәм әти-әниләре белән Казанга килеп, 3 көн дәвамында башкаланың истәлекле урыннарын карадылар. Бу вакыт эчендә алар өчен күп кенә экскурсияләр оештырылган иде. Укытучыларның фикеренчә, “Ярдәм” Тернәкләндерү үзәген карау шәхесне тәрбияләү мәсьәләсендә бик мөһим һәм озак вакытка истә калырлык гамәл булып тора.