«Ярдәм» мәчетен «Рамазан» гыйбадәтханәсеннән килгән балалар карап китте

Казандагы «Ярдәм» мәчетен башкаланың Киров районындагы «Рамазан» гыйбадәтханәсендә мөселман балалары лагерендә ял итүче балалар карап китте.

Балалар «Ярдәм» Милли ислами хәйрия фонды, мәчете һәм тернәкләндерү үзәгенең эшчәнлеге белән танышты. Аларга «Ярдәм» мәчетендә күзләре күрмәүчеләргә һәм башка төр инвалидларга ни рәвешле булышулары турында җентекләп сөйләделәр. Монда килгән сабыйларга компьютер классларын, массаж кабинетын, китапханәне, азрак күрүчеләрнең классын һәм башка бүлмәләрне күрсәттеләр. “Рамазан” мәчетеннән килгән балалар “Ярдәм”дә күргәннәреннән нык тәэсирләнделәр, бирегә тагын килергә теләкләре булын әйттеләр.