«Ярдәм” мәчетендә 1 августтан малайлар өчен рухи-сәламәтләндерү курслары башлана

1 августтан “Ярдәм” мәчетендә мәктәп яшендәге мөселман малайлары өчен рухи-сәламәтләндерү курслары ачыла.

Курсларның җитәкчеге Изге Коръәнне ятлауга төп басым ясаячак. Биредә балаларны изге китапны яттан белүчеләр – Коръәнхафизлар өйрәтәчәк. Коръәннән тыш, малайларга ислам нигезләре, рухи әхлак мәсьәләләре, шулай ук Мөхәммәд Пәйгамбәрнең тормыш юлы өйрәтеләчәк. Аларга Казанның истәлекле урыннарына экскурсияләр дә оештырылачак.

“Ярдәм” мәчете җитәкчелеге сәламәт буынны тәрбияләүдә мондый мөселман балаларның курслары үзенең уңай нәтиҗәләрен бирер, дип ышана.