Кешелек кыйммәтләрен, мәрхәмәт идеяларын таратучы дәгъвәтче журналистлар һәм блогерлар, җырчылар «Ярдәм» фондында «Медиа-ифтар»да очрашты. Алар «Ярдәм» фондының хәйрия проектларына теләктәшлек күрсәтте.

Журналистлар, блогерлар сагынышканнар. Күрешеп, фотога төшеп аралаштылар.

Бу ифтарда Әлмирә Әдиатуллина исемендәге журналистлар бәйгесенә старт бирелде.

Килгән кунаклар Алабуга Сукырлар җәмгыяте һәм җитештерү берләшмәсе турында китапны такьдим итте. «Елабуга УкупрПласт. С заботой о людях. История длиною в 80 лет» исемле китапны автор Долорес Галләмова алып килгән.

Кунаклар, катнашучыларны таныштыру булды. Алар арасында халык җырчылары, шагыйрьләр дә бар иде.

Ураза тотучылар һәм диндарлар өчен намаз укулар оештырылды.

Аннары авыз ачтылар. Ныгытып ашадылар.

«Ярдәм» тернәкләндерү үзәгенә күрмәүчеләр бик ераклардан килгән. Алар белән танышып алынды. Күрмәүчеләр арасында шагыйрьләр, җырчылар да бар икән.

Вәгаз тыңланды. Коръән укылды. Дога кылынды.