"Ярдәм-Помощь" гомуммилли хәйрия фондында өченче ифтар

"Ярдәм-Помощь" гомуммилли хәйрия фонды комплексында өченче ифтар мәҗлесе узды. Фондның чатырында һәм реабилитация үзәге бинасында авыз ачарга 500 кеше җыелды.

Гадәттәгечә, "Ярдәм-Помощь" фонды "Ярдәм" һәм "Сөләйман" мәчетләре җәмагәтеннән башка физик мөмкинлекләре чикләнгән кешеләрне, купбалалы аналарны һәм ялгыз пенсионерларны чакыра.

Ифтар мәҗлесеннән башка фонд һәркөнне волонтерлар ярдәмендә кайнар ризык белән тутырылган 1000 ланчбокс тарата.